जनकपुरधाम, १२ साउन । सप्तरीमा एक युवकको हत्या भएको छ भने अर्को एक युवक घाइते भएक छन ।
तिलाठी कोइलाडी गाउँपालिका ७ मनसापुर गाउँ नजिक हनुमाननगर कंकालिनी नगरपालिका १० इनर्वाका २१ वर्षीय तिर्कनारायण मण्डलको शव हिलोमा फेला परेको र अजय मण्डल नाम गरेको युवक घाइते अवस्थामा फेला परेको सप्तरीका प्रहरी प्रवक्ता नरेशकुमार सिंहले जानकारी दिनुभएको छ ।
प्रवक्ता सिंहले भने, ‘घटनास्थलको प्रकृति हेर्दा युवकको हत्या नै भएको देखिन्छ । अर्का युवक घाइते छन् । घटना कति बेलाको हो त्यो खुल्न सकेको छैन ।
सिंहका अनुसार स्थानीयले शुक्रवार बिहान ६ बजेतिर शव देखेपछि प्रहरीलाई जानकारी गराएका थिए । घटनाबारे थप अनुसन्धान भईरहेको प्रवक्ता सिंहले बताए ।
