जनकपुरधाम, ५ साउन । सर्लाहीमा हिरासतमा रहेकी एक महिलाले आत्महत्या गरेकी छिन् ।
चक्रघटा गाउँपालिका ८ कि वर्ष ४० वर्षिय हजरत खातुनले हिरासत कक्षको शौचालयमा बिहिवार राती पासो लगाएर आत्महत्या गरेकी सर्लाहीका प्रहरी प्रवक्ता डिएसपी दिपेन्द्र जियारले जनाएको छ ।
उनका अनुसार राति १० बजे शौचालय गर्न जाँदा शौचालको ढोकामा कपडाले पासो लागेपछि सिकिस्त अवस्था प्रहरीले उद्धार गरी प्रादेशिक अस्पताल मलंगवा पठाएको थियो ।
उपचारको क्रममा उनको मृत्यु भएको डिएसपी पजियारले बताउनुभएको छ । उनका अनुसार श्रावन १ गते नेपाल भारत सीमा क्षेत्र मलंगवा नगरपालिका ८ झिलमिलियामाईबाट सशस्त्र प्रहरीले पाँच लाख ४ हजार नगद, १८७.७७ ग्राम चादी र ७.०७ सुन सहित खातुनसहित दुईजनालाई नियन्त्रणमा लिएको थियो ।
