जनकपुरधाम, ४ साउन । जनमत पार्टीले शिवचन्द्र कुशवाहासहित ५ जना नेतालाई निलम्बन गरेको छ ।
वैशाख १० मा भएको चुनावको पूर्व सन्ध्यामा जनमतले कुशवाहा उम्मेदवार बनाएको थियो । बसेको पार्टीको केन्द्रीय अनुशासन समितिले जनमत पार्टीको निति निर्देश र विधान विपरित ढंगले अनुशासनहीनता प्रदर्शन गरेको भन्दै नेता कुशवाहासहित पाँचैजनालाई कारवाही गरेको छ ।
कुशवाहासहित गुलाब मण्डल, शंकर खड्का, भोपेन्द्र यादव र भगवान दास यादवलाई कारवाही गरिएको जनमतका उपाध्यक्ष तथा समिति प्रमुख दीपककुमार साहले बताएका छन ।
कुशवाहालाई अनुशासनहीनता प्रदर्शन गर्दै पार्टी र नेतृत्व विरुद्ध लागेको आरोप लागेको छ । उनलाई साधारण सदस्य समेत नरहनेगरी पार्टीले कारवाही गरेको छ ।
