जनकपुरधाम,३० असार– महोत्तरीको रामगोपाल-९ पर्सा देवाडमा रहेको जानकी एकेडेमीक हस्पिटलको आयोजना तथा नेपाल रेडक्रस सोसाइटी जनकपुर शाखाको प्राबिधिक सहयोगमा शनिबार रक्तदान कार्यक्रम सम्पन्न भएको छ।
उक्त रक्तदान कार्यक्रममा १०० जनाभन्दा बढी व्यक्तिले रक्तदान गरेका छन्। हस्पिटलको डाईरेक्टर संजय यादबले रक्तदान कार्यक्रम लगायतका सामाजिक कार्यहरु गर्दै आइरेहेको र देशैभर रगत अभाव भइरहेको बेला आज रक्तदान कार्यक्रम आयोजना गरिएको बताए ।
यादबले भने, रगत अभावका कारण कुनै पनि व्यक्तिले ज्यान गुमाउन नपरोस् भनेर रक्तदान कार्यक्रम गरेको बताए । डाईरेक्टर यादबले आफु ३९ औं पटक रक्तदान गरेको बताए ।
