काठमाडौं, २७ असार । प्रधानमन्त्री पुष्पकमल दाहाल प्रचण्ड नेतृत्वको सरकारमा जनमत पार्टी सहभागी हुन लागेको छ ।
जनमतले सरकारमा सहभागी हुन अनितादेवी साहलाई सिफारिस गरेको पार्टीका केन्द्रिय अध्यक्ष सिके राउतले जानकारी दिएका छन । अध्यक्ष राउतले प्रधानमन्त्रीले केही दिन पहिले नै आफ्नो पार्टीको तर्फबाट नाम मागेको बेला अनिताको नाम बुझाएको बताउनुएको छ ।
उनले मन्त्रालय र शपथको भने टुंगो नलागेको बताएका छन । प्रचण्डले जनमत पार्टीलाई संघीय मामिला तथा सामान्य प्रशासन मन्त्रालयको जिम्मेवारी दिने तयारी गरेको स्रोतले बताएका छन ।
जनमतले सिफारिस गरेकी अनिता पार्टी सचिव हुन् । अनिता जनकपुरधामको मेयरमा पराजित भएकी थिइन् । उनी पछि प्रतिनिधिसभामा समानुपातिक सांसद बनिन् ।
