जनकपुरधाम, २६ असार । मकालु खबरका मधेश प्रदेश ब्यूरो प्रमुख सिबेन्द्र रोहिता अस्पताल भर्ना भएका छन ।
सोमबार बेलुका जनकपुरधामको २४ सै घण्टा ब्यस्त रहने भानु चौक मा बा १२च४२४३ नंबरको स्कार्पियोमा आएका ७÷८ जनाको समुहले आक्रमण गरेर घाइते बनाएको छ ।
घाइते रोहिताले धनुषाको एक पालिकामा भएको अनिमियता तथा बेथिति विरुद्ध समाचार लेखेको निहुँमा धनौजी गाउँपालिकाका प्रमुख प्रशासकीय अधिकृत रंजित यादवले आफ्ना गुण्डाहरु परिचालन गरि पत्रकार रोहितालाई निर्घात कुटपीट गरेका छ्न ।
पत्रकारमाथि आक्रमण भईरहेको हेरेपछि स्थानीयहरुले प्रतिकार गर्दै लखेटेपछि उनीहरूले स्कारपियो गाडी छाडेर भागेका छन् । उक्त गाडी गाउँपालिकाले भाडामा प्रयोग गरिरहेको बुझिएको छ ।
गाडीमा हातहतियार सहित पत्रकार रोहिताको ज्यान मार्ने उद्देश्यले आएको स्थानीयहरुले बताएका छन् । आक्रमण गर्नेहरुमा अधिकृत यादवका भाइ स्वीटा भन्ने सुनिल अधिकारी, बिल्ला भन्ने सोनु कर्ण, मिठ्ठु लगायतका युवाहरुलाई आफूले चिनेको पत्रकार रोहिताले बताएका छन ।
प्रहरीले उल्टै आक्रमणकारीहरुलाई सहयोग गरेको पत्रकार रोहिताले बताए । हतियार सहित आएका आक्रमणकारीहरुलाई पक्राउ गर्नुको सट्टा भगाउन प्रहरीले भूमिका खेलेको पत्रकार रोहिताले बताएका छन ।
