जनकपुरधाम, १२ असार । महोत्तरीमा सवारी दुर्घटनामा परेर एकजनाको मृत्यु भएको छ ।
जनकपुरधाम जलेश्वर सडक खण्डमा मोटरसाइकल दुर्घटना हुँदा जनकपुरधाम उपमहानगरपालिका ९ बस्ने ३० वर्षीय मोटरसाइकल चालक दीपेश ढुङ्गेलको मृत्यु भएको महोत्तरी प्रहरीले जनाएको छ ।
ढुंगेलले चलाउँदै गरेको ज ८ प ६५३३ नम्बरको मोटरसाइकल मंगलबार बिहान जलेश्वर नगरपालिका ९ स्थित आगेपुरनजिक विगही पुलबाट करिब २० मिटर तल पानीमा खसेर दुर्घटना भएको छ ।
दुर्घटना भएको र बिहान साढे ६ बजे मात्र स्थानीयबासिन्दाले मोटरसाइकल र शव देखेपछि जानकारी भएको महोत्तरीका डिएसपी दिलीप कुमार गिरीले जानकारी दिनुभएको छ ।
