जनकपुरधाम, ६ जेठ । जनकपुरबाट काठमाडौं उड्न लागेको बुद्ध एयरको जहाजमा यात्रुले मुसो देखेपछि उडान स्थगित गरिएको छ ।
शनिबार बिहान ८ ः ३५ बजेको बुद्ध एयरको उडान नम्बर–५०२, ९एन–एजेएल विमानको उडान स्थगित भएको छ । जहाजमा मुसो खोज्ने कार्य भइरहेको बुद्ध एयरका कर्मचारीले बताएका छन ।
दुई जना यात्रुले मुसो देखेपछि कर्मचारीलाई रिपोर्ट गरे । हवाई सुरक्षाको हिसाबले यात्रु ओरालेर मुसो खोज्ने काम भइरहेको छ, । तर मुसो फेला परेको छैन । वुद्ध एयरले एक सूचना जारी गर्दै जनकपुरमा यात्रु लिन अर्को जहाज पठाइएको जनाएको छ ।
विहान जनकपुरबाट काठमाडौं उडान संख्या ५०२ र जहाज ९एन–एजेएल मा यात्रुले मुसा देखेको रिपोर्टिङपछि तत्कालै यात्रुलाई लिनका लागि अर्कोजहाज काठमाडौंबाट पठाइएको छ ।
