काठमाडौँ, ३१ बैशाख । सत्तारूढ नेपाली कांग्रेसको भ्रातृ संगठन नेपाल विद्यार्थी संघले आइतबार काठमाडौंमा प्रदर्शन गरेको छन ।
नेपाली नागरिकलाई नक्कली भुटानी शरणार्थी बनाउन गरिएको करोडौँको ठगी प्रकरणमा पक्राउ परेका कांग्रेस केन्द्रीय समिति सदस्य बालकृष्ण खाणविरुद्ध नै उनीहरु प्रदर्शनमा उत्रिएका हुन् ।
गम्भीर अभियोगमा पक्राउ गरेर हिरासतमा राखिसक्दा पनि अझैसम्म कांग्रेसले निलम्बन नगरेको भन्दै प्रदर्शनमा उत्रिएका उनीहरुले आक्रोश व्यक्त गरेका थिए ।
खाणलाई निलम्बन नगरेकोमा उनीहरुले कांग्रेस सभापति शेरबहादुर देउवालाई खबरदारीसहित प्रश्न पनि गरेक छन् । प्रदर्शनमा सहभागीहरुको हातमा सांकेतिक सन्देश दिने गरी हतकडी थियो भने उनीहरुले कैदीबन्दीको पोशाक लगाएका थिए ।
देशमा बढ्दो भ्रष्टाचारविरूद्ध आफूहरु प्रदर्शनमा उत्रिन बाध्य भएको पनि उनीहरुले बताएका छन्। खाणलाई अहिलेसम्म कांग्रेसले जिम्मेवारीबाट हटाएको छैन ।
