काठमाडौँ, ३१ बैशाख । तीन ठूला दलका नेताहरुको बैठकले संसदीय सुनुवाइ समितिको नेतृत्वमा सहमति जुटाएका छन् ।
आइतवार प्रधानमन्त्रीको सरकारी निवास बालुवाटारमा बसेको नेपाली कांग्रेस, नेकपा एमाले र नेकपा माओवादी केन्द्रका शीर्ष नेताहरुको बैठकले समितिको नेतृत्वमा सहमति जुटाएका छन् ।
बैठकमा तीन दलले संसदीय सुनुवाइ समितिको नेतृत्वको तय गरेको सहभागी नेपाली कांग्रेसका प्रमुख सचेतक रमेश लेखकले बताउनुभएको छ । यो बैठकले अन्य संसदीय समितिका सभापतिहरुमा पनि सहमति जुटाएको उनले बताएका छन् ।
नेकपा माओवादी केन्द्रका प्रमुख सचेतक हितराज पाण्डेले पनि संसदीय सुनुवाइ समितिको नेतृत्व तय गरिएको बताएका छन् । उनका अनुसार अन्य संसदीय समितिका सभापतिहरुको नामको टुंगो आजै बस्ने कार्यव्यवस्था परामर्श समितिले गर्नेछ ।
यो बैठकमा नेपाली कांग्रेसका सभापति शेरबहादुर देउवा, उपसभापति पूर्णबहादुर खड्का र प्रमुख सचेतक रमेश लेखक सहभागी थिए । बैठकमा नेकपा एमालेका अध्यक्ष केपी शर्मा ओली, दलका उननेता सुवास नेम्वाङ र उपाध्यक्ष विष्णु पौडेल पनि सहभागी थिए ।
उनले साताअघिको आइतबार बिहान संसद्को कार्यव्यवस्था परामर्श समितिको बैठकमा संसदीय सुनुवाइ समितिसहित संयुक्त समिति तीन दिनभित्र टुंग्याउन दलहरूलाई आग्रह गरेका थिए ।
