सप्तरी, ३१ बैशाख । मधेश प्रदेशको सप्तरीमा एक युवकको हत्या गरी फालिएको अवस्थामा शव फेला परेको छ ।
रुपनी गाउँपालिका वडा नं. १ रुपनी राजविराज खण्डको रुपनीमा युवकको शव फेला परेपछि घटनाको विरोध जनाउँदै स्थानीयवासीहरुद्वारा रुपनी राजविराज सडक खण्ड अवरुद्ध पारेका छन् ।
आइतबार बिहान शम्भुनाथ नगरपालिका २ बस्ने २४ वर्षीय मो तफेजुलको शव रुपनी बजार क्षेत्रदेखि २५ मिटर भित्र खेतमा फेला पारेको जिल्ला प्रहरी कार्यालय सप्तरीका प्रमुख प्रहरी उपरीक्षक नरेन्द्र कार्कीले जानकारी दिनुभएको छ ।
