काठमाडौै ७ बैशाख । यही वैशाख १० गते हुने उपनिर्वाचनको मौन अवधि बिहीबार राति १२ बजे बाट हुँदैछ । निर्वाचन आयोगका प्रवक्ता शालिग्राम शर्मा पौडेलका अनुसार मध्यरात १२ बजेदेखि प्रचारप्रसार गर्न पाइने छैन ।
मौन अवधि उल्लघंन गरे निर्वाचन ऐन अनुसार एक लाख रुपैयाँसम्म जरिवाना हुने व्यवस्था गरिएको छ । मतदान हुनु ४८ घण्टा अघि मौन अवधि सुरु हुने प्रावधान छ ।
आयोगले आफ्ना उम्मेदवार रोजी भयरहित भई मतदानमा सहभागी हुन सर्वसाधारणलाई आग्रह गरेको छ ।
वैशाख १० गते आइतबार बारा–२, चितवन–२,र तनहुँ १ मा उपनिर्वाचन हुँदैछ ।
