काठमाडौं,०३ बैशाख । प्रधानमन्त्री पुष्पकमल दाहाल प्रचण्डले आठौँपटक मन्त्रिपरिषद विस्तार गरेका हुन् ।
आइतबार उनले कांग्रेसका एनपी साउदलाई परराष्ट्र र नेकपा एकीकृत समाजवादीकी नन्दा चपाईंलाई भौतिक पूर्वाधार तथा यातायात राज्यमन्त्री नियुक्त गरेका छन् ।
परराष्ट्रमन्त्री एनपी साउदले आइतबार राष्ट्रपतिबाट पद तथा गोपनीयताको शपथ लिएका हुन् । शीतल निवासमा आयोजित समारोहमा राष्ट्रपति रामचन्द्र पौडेलले मन्त्री साउदलाई पद तथा गोपनीयताको शपथ गराएका हुन् ।
राज्यमन्त्री चपाईंलाई प्रधानमन्त्री दाहालले सोही समारोहमा पद तथा गोपनीताको शपथ ग्रहण गराए । चपाईं एकीकृत समाजवादीका तर्फबाट राष्ट्रिय सभा सदस्य छिन् ।
