काठमाडौं,३० चैत्र । काठमाडौं महानगरपालिकाका प्रमुख बालेन्द्र साहले सिंहदरबार वा राजधानी अर्कै पालिकामा सारेर लैजान चुनौती दिएका छन् ।
बिहीबार फेसबुकमा एक स्टाटस लेख्दै बालेन कि काठमाडौंको हितमा काम गर्नुहोस्, कि सिंहदरबार अरू पालिकामा सार्नुस् भन्दै संघीय सरकारलाई चुनौती दिएका छन् ।
उनले संघीय सरकारलाई चुनौतीसहित भनेका छन्, ’हामी काठमाडौंबासीलाई कुनै आपत्ति छैन, चाहे सिंहदरबार सार्नुस् कि राजधानी सार्नुस् । उनले हामीलाई हाम्रो सम्पदा, संस्कृति , कला, सभ्यता चाहिएको हो भन्दै राजनीति चाहिएको होइन भनेका छन् ।
यसअघि प्रमुख साहले १४ वटा कारण देखाउँदै संघीय सरकार अन्तर्गतका सिंहदरबार, बालुवाटार र शीतल निवासको फोहोर नउठाउने बताएका थिए । एक सातादेखि यी स्थानका फोहोर उठेका छैन ।
गत बुधबार उनले आफ्ना १४ वटा माग पूरा नगरेसम्म यी तीनै ठाउँको फोहोर नउठाउने घोषणा गरेका थिए । मन्त्रिपरिषद् बैठकले महानगरसँग समन्वय गर्ने र समस्या समाधान गर्ने निर्णयसमेत गरिसकेको छ।
