जनकपुरधाम, २३ चैत्र । जनकपुरधाममा भोलीदेखि मेयर कप टी–२० प्रतियोगिता हुन लागेको छ । जनकपुरधाम उपमहानगरपालिकाको आयोजनामा यस प्रतियोगिता हुन लागिएको छ ।
प्रतियोगितामा जम्मा १२ वटा टोलीको सहभागिता रहने आयोजक पक्षले जनाएको छ । जनकपुरधामको रजौलस्थित निर्माणाधिन रामजानकी बहुउद्देश्यीय अन्तर्राष्ट्रिय रंगशालामा प्रतियोगिता हुने छ ।
प्रतियोगितामा जनकपुरधाम, महोत्तरी र सिरहा, हेटौंडा, रौतहट र बारा, काठमाडौं, सप्तरी र पोखरा तथा विराटनगर, सर्लाही र पर्साका टिमहरु बिच प्रतिस्पर्धा गर्नेछन् ।
सहभागी टोलीलाई चार समुहमा विभाजन गरि प्रत्येक समूहमा तीन÷तीन वटा टिम राखेर लिग कम नकआउटका आधारमा टी–२० फर्म्याटमा खेलहरु सञ्चालन गरिने जिल्ला क्रिकेट संघ धनुषाले जनाएको छ ।
प्रतियोगिताको विजेता टिमलाई २ लाख ५१ हजार र उपविजेतालाई १ लाख ५१ हजार पुरस्कारसहित ट्रफीसमेत प्रदान गरिने छ ।
