काठमाडौं,१६ चैत्र । लोकतान्त्रिक समाजवादी पार्टी (लोसपा)ले शरदसिंह भण्डारी(दादा)लाई मन्त्री बनाउने भएको छ ।
लोसपाले आफूले पाएको एउटा मन्त्रालय श्रम, रोजगारमा भण्डारीलाई पठाउने भएको हो । उनी गत मंसिर ४ गतेको निर्वाचनमा महोत्तरी २ बाट निर्वाचित भएका थिए ।
भण्डारी १६औं पटक मन्त्री बन्दै छन् । उनी पञ्चायतकालदेखि गणतन्त्र आउँदासम्म १५ पटक मन्त्री बनिसकेका छन् । वि.सं २०२८ सालदेखि सक्रिय राजनीतिमा आएका भण्डारी २०३८ सालमा पहिलोपटक सांसद बनेका थिए ।
२०३८ सालदेखि २०७९ सालसम्म आइपुग्दा ३ पटक पराजित भए भने ६ पटक विजयी बनेका थिए ।
उप्रधानमन्त्रीसमेत बनिसकेका भण्डारी विभिन्न मन्त्री र राज्यमन्त्री गरी १५ पटकसम्म सरकारमा सहभागि भइसकेका छन् ।
