जनकपुरधाम, १० चैत । राष्ट्रिय जनगणना २०७८ को विस्तृत परिणाम अनुसार धनुषाको जनकपुरधाम उप महानगरपालिकाको कुल जनसंख्या १ लाख ९४ हजार ५५६ पुगेको छ ।
नेपालमा पुरुषको तुल्नामा महिलाको जनसंख्या बढी भएपनि जनकपुरधाममा पुरुषको संख्या बढी रहेको तथ्यांकमा उल्लेख गरेको छ । जनकपुरधाममा बसोबास गर्ने कुल जनसंख्या मध्ये ५१.३ प्रतिशत पुरुष र ४८.७ प्रतिशत महिला छन् ।
साथै यताको लैङ्गिक अनुपात १०५.२५ प्रतिशत रहेको तथ्यांकमा उल्लेख छ । यस्तै, राष्ट्रिय जनगणना २०७८ अनुसार जनकपुरधाममा रहेका कुल जनसंख्याको ३५.४ प्रतिशत नागरिक अविवाहित रहेका छन् भने पुरुष ४२.६ प्रतिशत र महिला २८.१ प्रतिशत रहेका छन ।
