काठमाडौं,६ चैत्र । प्रधानमन्त्री पुष्पकमल दाहाल प्रचण्डले आज दोस्रोपटक प्रतिनिधिसभामा विश्वासको मत लिँदैछन् । प्रचण्डले आज १ बजे बस्ने बैठकमा विश्वासको मत लिन लागेका हुन् ।
यसअघि प्रण्चण्डले २६ पुसमा विश्वासको मत लिएका थिए । त्यतिबेला संसद् बैठकमा उपस्थित २७० सांसदमध्ये प्रचण्डले २६८ मत पाएका थिए ।
तत्कालीन सत्ता गठबन्धनमा रहेका नेकपा एमाले, राप्रपासहित प्रतिपक्षमा रहेको नेपाली कांग्रेसले समेत प्रचण्डलाई विश्वासको मत दिएका थिए ।
अहिले भने सत्ता समीकरण फेरिएको छ । एमाले र राप्रपाले सरकारको समर्थन फिर्ता लिएपछि प्रचण्डले पुनः विश्वासको मत लिन लागेका हुन् ।
समर्थन गरेको दलले समर्थन फिर्ता लिएको ३० दिनभित्र विश्वासको मत लिनुपर्ने संवैधानिक व्यवस्था छ । विश्वासको मतका लागि प्रचण्डले कम्तीमा १३८ मत ल्याउनुपर्छ ।
