जनकपुरधाम २२ माघ । मधेश प्रदेश सिरहा गोलबजार–१२ का रञ्जितकुमार पालले युएईमा ८२ करोडको चिठ्टा जितेका छन् ।
उनले अरब इमिरेट्स (यूएई)को आबुधाबीस्थित बिग टिकटको राफल ‘लक्की ड्र’अन्तर्गत २३ मिलियन दिराम अर्थात् ८२ करोड रुपैयाँ बराबरको चिट्ठा जितेका हुन् ।
सात वर्षअघि एक रेमिट कम्पनीको प्रतिनिधि भएर कतार पुगेका १५ महिनादेखि चिट्ठा किन्न थालेका थिए । पाल बिग टिकटका प्रतिनिधिबाट चिट्ठा परेको खबर सुनेर आफू निकै खुसी भएको पालले बताएका छन ।
उनी कतारकै सनैयास्थित एक मनी एक्सचेन्जमा कार्यरत छन् । पालले २० जनासँग मिलेर संयुक्त रूपमा ‘लक्की ड्र’को २३२९३६ नम्बरको टिकट अनलाइनमार्फत जनवरी १६ मा खरिद गरेका थिए ।
उनका साथीमध्ये अलग–अलग कम्पनीमा काम गर्ने सात नेपाली अनि अन्य भारतीय र श्रीलंकाली छन् । घरमा उनका बुवा, आमासहित १० र पाँच वर्षका २ छोरा छन् । परिवारका सदस्य सबै जना दंग रहेको उनले सुनाए ।
अहिले नै घर फर्कने योजना नरहेको उनको बताएका छन । बिग टिकट यूएईको अबुधाबीमा मासिक रूपमा खोलिने चिट्ठा हो । जहाँ हरेक महिनाको ३ तारिखमा विद्युतीय माध्यमबाट विजेता छनोट गरी घोषणा गर्ने गरिन्छ ।
