काठमाडौं १६ माघ । प्रधानमन्त्री पुष्पकमल दाहाल प्रचण्डले आफूले यसपटक सुशासन, विकास र समृद्धिका केही रेकर्डहरू बनाउनुपर्ने आवश्यकता रहेका बताएका छन् ।
राष्ट्रिय सहिद तथा बेपत्ता स्मृति स्मारक उद्घाटन समारोहलाई सोमबार सम्बोधन गर्दै प्रचण्डले तेस्रो पटक प्रधानमन्त्री बन्दै गर्दा राष्ट्र र जनताका पक्षमा केही मानक र केही रेकर्डहरु बनाउनुपर्ने बाध्यता रहेको सुनाउनुभयो ।
परिवर्तनबाट सुशासन र विकासको जो अपेक्षा थियो, भनेको जस्तो भएन कि भन्ने चिन्ता जनताका मनमा छ । यस्तो बेलामा प्रधानमन्त्रीका हैसियतले मैले यो पटक सुशासन, विकास र समृद्धिका केही मानकहरु, केही रेकर्डहरू बनाउनु छ उनले भने ।
