जनकपुरधाम १३ माघ । मधेस प्रदेशका नवनियुक्त दुई मन्त्रीले शुक्रवार पदभार ग्रहण गरेका छन । बिहीबार जिम्मेवारीसहितको पत्र प्राप्त गरेपछि शुक्रवार नवनियुक्त दुई मन्त्रीहरूले पदभार ग्रहण गरेका छन ।
मधेश प्रदेशका भौतिक पूर्वाधार विकास मन्त्री सरोजकुमार यादवले मन्त्रालयको कार्यभार सम्हाल्दै मन्त्रालयमार्फत रहेको ७ वटा कार्यालयको कामकाज छिटो र प्रभावकारी बनाउनका लागि छिटै नै टोकन प्रणालीमार्फत काम गर्ने निर्णयमा हस्ताक्षर गरेका छन ।
उहाँले स्थानीय तथा संघीय सरकारले साना तथा ठूला योजना सञ्चालन गर्ने मान्यतामा आफू रहेको बताउँदै प्रदेश सरकारले मझौला किसिमका योजनाहरू मात्र सञ्चालन गर्ने प्रतिबद्धता व्यक्त गरे । नेकपा एमालेका संसदीय दलका नेता समेत रहनुभएका मन्त्री यादवले मन्त्रालय बाँडफाँडको विषयमा सत्तारुढ दलहरूका बीचमा सहमति भइसकेको बताउँदै आइतबार सम्ममा सरकारले पूर्णता पाउने बताउनुभयो ।
पदभार ग्रहण गराउँदै मधेश प्रदेशका भौतिक पूर्वाधार विकास मन्त्रालयका सचिव कृष्णकुमार मिश्रले संघीय सरकारले कार्यालयहरूको काम छिटो छरितो बनाउने निर्देशन दिएअनुसार मन्त्रालय मातहत रहेका प्रदेशका ७ कार्यालयको काम छिटो गराउनका लागि भोलिदेखि लागु हुने गरि टोकन प्रणाली लागु गरेको बताउनुभयो ।
त्यस्तै, मधेश भूमि व्यवस्था, कृषि तथा सहकारी मन्त्रालय भूमि व्यवस्था, कृषि तथा सहकारी मन्त्रालय वसन्त कुमार कुशवाहाले पनि मन्त्रालयको कार्यभार सम्हाल्दै किसान कार्ड लागु गर्ने प्रतिबद्धता व्यक्त गर्नुभएको छ । उहाँले रासायनिक मल तथा किसानलाई कृषि अनुदान समयमा पारदर्शी किसिमले उपलब्ध गराउनका लागि प्रयास गर्ने बताउनुभयो ।
मन्त्री कुशवाहा जनमत पार्टीका तर्फबाट सरकारमा सहभागी हुनुभएको हो ।
