मधेश प्रदेश :दुई स्वतन्त्र सांसद जसपा प्रवेश

जनकपुरधाम ८ माघ । मधेश प्रदेशसभामा स्वतन्त्र निर्वाचित भएका दुई प्रदेशसभा सदस्य जनता समाजवादी पार्टी (जसपा)मा प्रवेश गरेका छन् ।
महोत्तरी–२ (२) बाट निर्वाचित प्रदेशसभा सदस्य सुरिता साह र पर्सा–३ (१) बाट निर्वाचित प्रमोदकुमार जैसवाल जसपा प्रवेश गरेका छन् ।
साह र जैसवाल आइतबार जसपाको पार्टी कार्यालयमा अध्यक्ष उपेन्द्र यादवले पार्टी प्रवेश गराएका हुन् ।
मधेश प्रदेशसभामा जसपाको १६ प्रदेशसभा सदस्य थिए भने दुई जना सांसद प्रवेश गरेपछि १८ जना पुगेको छ ।