जनकपुरधाम ८ माघ । धनुषाको धनुषाधाममा माघ महिनाको प्रत्येक आईतबार लाग्ने मकर मेला पहिलो आइतवार भव्यताका साथ सम्पन्न भएको छ । मेला हेर्न स्वदेशी तथा विदेशी श्रद्धालु भक्तजनको उल्लेख्य सङ्ख्या रहेको छ ।
माघ महिनाको प्रत्येक आइतबार लाग्ने मकर मेला आजदोस्रो मकर मेला हेर्न आएका श्रद्धालु भक्तजन धनुषा मन्दिरमा पूजाआजा गर्ने गर्दछन् । ऐतिहासिक, धार्मिक एवम् पौराणिक महत्व बोकेको धनुषाधाममा मकर मेला हेर्न आउने श्रद्धालु भक्तजनको सङ्ख्या प्रत्येक वर्ष बढ्दै गएको देखिएको छ ।
त्रेतायुगमा राजा जनकले छोरी सीताको विवाहका लागि आयोजना गरेको सीता स्वयम्बरमा मर्यादा पुरुषोत्तम भगवान् श्रीरामले तोडेको धनुषको एक टुक्रा आकाश, अर्को पाताल र धनुषको मध्य एक टुक्रा धनुषाधाममा झरेको किंवदन्ती रहेको छ । विष्णु पुराणका अनुसार दधिचि मुनिको हाडबाट बनेको धनुष त्रिपुरासुर सङ्ग्राम भएपछि त्यही पिनाक धनुष शङ्कर भगवान्ले परशुरामलाई दिएका थिए । परशुरामले उक्त धनुष जनक महाराजलाई दिएका थिए ।
https://www.facebook.com/kpkhabar02/
भगवान् रामले उक्त धनुषमा वान चलाउँदा धनुषको तीन टुक्रा भएको थियो । धनुषको मध्य एक टुक्रा झरेको स्थानमा धनुषबाबाको मन्दिर निर्माणपश्चात् माघ महिनामा मकर मेला लाग्ने गर्छ । श्रद्धालु भक्तजनले धनुषको टुक्रामा पुष्पजल अर्पण गर्ने गर्दछन् ।
जनकपुरदेखि करिब १९ किलोमिटर उत्तर–पूर्वमा रहेको धनुषाधाममा सो धनुषको पूजाअर्चना गर्न बर्षेनि लाखौँको सङ्ख्यामा स्वदेशी तथा विदेशी पर्यटक आउँछन् । भक्तजनद्वारा पूजाअर्चनाका क्रममा धनुषको सो टुक्रामा पुष्पजल अर्पण गर्नाले बर्षेनि धनुषको आकार बढ्दै गएको धनुषा मन्दिरका पुजारी महन्थ दासले बताएको छ ।
