जनकपुरधाम ५ माघ । बिभिन्न मधेश आन्दोलनका घाइतेहरुलाई अपमान गरेको आरोप लागेको छन । मधेस आन्दोलनका शहिद र घाईते परिवारहरु प्रदेश सरकारको कामकाजबाट असन्तुष्ट हुँदै आएको देखिएको छ ।
मधेस सरकारको गृह तथा सञ्चार मन्त्रालय मातहत रहेको मधेशी शहिद प्रतिष्ठानले आयोजना गरेको वलिदानी दिवसको कार्यक्रमस्थलमा आन्दोलनका घाइतेहरुले धर्ना दिएका थिए ।
कार्यक्रममा ६१ जना शहिद परिवार र एकजना मात्र आन्दोलनका घाइतेलाई २÷२ लाख रुपैयाँ राहत वितरण भइरहेको खबर पाएपछि घाइतेहरुले असन्तुष्टि जनाउँदै धर्नामा बसेको थियो ।
उनीहरुले मधेस सरकारले मधेशी शहिद प्रतिष्ठान गठन गरि शहिद परिवारका लागि मात्र राहतका योजनाहरु ल्याएको भन्दै आन्दोलनका घाइतेहरुले समेत राहत पाउनुपर्ने माग गरेका थिए ।
