मधेश प्रदेशमा एमालेको ३ मन्त्रालयमा दाबी

जनकपुरधाम २८ पुस । मधेश प्रदेशको सबैभन्दा ठूलो दल नेकपा एमाले मधेश सरकारमा ३ वटा मन्त्रालयमा दाबी गरेको छ ।
एमालेले भौतिक पूर्वाधार विकास, अर्थ र सामाजिक विकास मन्त्रालयको दाबी गरिरहेको एमालेको एक सांसदले बताएको छ । सत्तारुढ दलहरुको भागवण्डामा एमालेले मधेशको सभामुख पद पनि पाएको छ ।
प्रदेशमा १० वटा मन्त्रालय छन् । यसपाली २३ सिटसहित पहिलो शक्ति बनेको एमालेले १६ सिटको जसपालाई मुख्यमन्त्रीमा समर्थन गरेको छ ।
६३ सांसदको समर्थनमा बुधबार जसपा संसदीय दलका नेता सरोजकुमार यादव मुख्यमन्त्रीमा नियुक्त भएका छन् ।