एभरेष्ट पेपर मिलको मेसिनमा किचेर एक जना मजदुरको मृत्यु

जनकपुरधाम ३ मंसिर । धनुषाको क्षिरेश्वरनाथ नगरपालिका ३ मा पर्ने एभरेस्ट पेपर मिलको मेसिनमा च्यापिएर एक मजदुरको मृत्यु भएको छ । कार्यरत मजदुर क्षिरेश्वरनाथ नगरपालिका ५ बस्ने ३५ वर्षीय मनोज श्रेष्ठको मृत्यु भएको इलाका प्रहरी कार्यालय सखुवा महेन्द्रनगरले जनाएको छ । इलाका प्रहरी कार्यालय सखुवा महेन्द्रनगरका प्रहरी निरीक्षक बेचन यादवका अनुसार शनिवार बिहान १० बजे काम गर्ने क्रममा मेसिनको फित्तामा बेरिएर उनको घटनास्थलमै मृत्यु भएको हो । मृतक परिवार र मजदुर तत्कालै क्षतिपूर्तिको माग गर्दै धर्ना दिएका छन् ।