महाजन र ज्ञानेन्द्रको मुस्कान सहितको घरदैलो

जनकपुरधाम ०१ मंसिर । जनता समाजवादी पार्टीका क्षेत्र नं ४ का उम्मेदवार आज पनि घरदैलो कार्यक्रममा व्यस्त छन् । जनताको घरघरमा पुगेर समस्या पहिचान गर्ने र मत माग्ने काम गरिरहेका हुन । धनुषा क्षेत्र क्षेत्र नं. ४ का प्रतिनिधिसभा सदस्य उम्मेदवार महाजन यादबले समृद्ध नेपाल सुखी नेपाली अभियानको लागि जसपाले सुरु गरेका तर अपूरा रहेका राष्ट्रिय योजनाहरु पूरा गर्न मंसिर ४ गतेको निर्वाचनमा जसपालाई मतदान गर्न मतदमतमलाई अनुरोध गरेका छन । प्रचारप्रसारको क्रममा बेंगा शिवपुरमा घरदैलो कार्यक्रममा बोल्दै जसपाका उम्मेदवार यादबले एक घर एक रोजगार, गाउँगाउँमा स्वरोजगार, सबै किसानको खेतमा विद्युत सेवा सुबिधा पुरा गर्न मंसिर ४ गते छातामा मतदान गरी जसपाका उम्मेदवारलाई विजयी बनाउन अनुरोध गरे । धनुषा क्षेत्र नंं ४ (१) प्रदेशसभा सदस्य जसपाका उम्मेदवार ज्ञानेन्द्र यादबले जसपाको सरकारले ल्याएको योजना सफल बनाउन आफू सक्रिय भएर लाग्ने उम्मेदवार यादबले बताउनुभयो । यस क्षेत्रको सडक स्तरोन्नति, कृषि सडक जोड्ने थ्रि फेस विधुत लाईन, कृषि र पशुपालन व्यवसायमा आधुनिकरण, खेलमैदानको लागि प्रदेशसभा सदस्यमा निर्वाचित भएपछि पहल गर्ने बताउनुभयो ।