जनकपुरधाम १३ आश्विन । आसन्न प्रतिनिधिसभा तथा प्रदेश सभा सदस्यको निर्वाचनमा महिला सहभागिताको विषयमा जनकपुरधाममा एक समारोहबीच छलफल भएको छ ।
छलफल कार्यक्रममा प्रतिनिधिसभा र प्रदेश सभामा जितेका महिला सांसदहरु बिच छलफल भएको छ ।
महिला सशक्तिकरण अभियानले जनकपुरधाममा मंगलबार र बुधबार गरेको छलफलमा प्रतिनिधिसभा र राष्ट्रसभाकी महिला सांसदहरुले महिलालाई समानुपातिकमै मात्र नभएर प्रत्यक्षमा पनि अवसर दिनुपर्ने बताएका छन ।
कर्णाली प्रदेशदेखि लिएर मधेस प्रदेशसम्मकी उपस्थित महिला सांसदहरुले महिला नेतृत्वहरुलाई प्रत्यक्षमा पनि आफ्नो सहभागीत जनाउनका लागि आवाज उठाउन आवश्यक रहेको बताएकी छिन । छलफलमा राष्ट्रियसभा सदस्य प्रमिला यादवले महिला खाना पकाउने र बच्चा जन्माउने मेसिन रहेको मानसिकतालाई त्याग्नै पर्ने भन्दै यसबाट माथी नउठेसम्म परिवर्तन सम्भव नरहेको बताईन ।
