- जनकपुरधाम २७ भादौ। नेकपा एमालेका अध्यक्ष केपी शर्मा ओलीले मधेसको दलित बस्तीमा आधारभूत विद्यालय बनाइदिने घोषणा गरेका छन् । सोमवार जनकपुरधाममा आयोजित पार्टी प्रवेश कार्यक्रमलाई सम्बोधन गर्दै ओलीले घोषणा गरेका हुन् ।
मधेस क्षेत्र आफैँमा ज्ञानको गहिरो ज्योति भएको ठाउँ रहेको बताउँदै पूर्वप्रधानमन्त्रीसमेत रहेका ओलीले त्यस क्षेत्रका जनताहरू अझै अशिक्षित हुनु बिल्कुलै नसुहाउने बताउनुभयो । ज्ञानको गहिरो ज्योति छरिएको यो भूमिका ८० प्रतिशत जनता आज अशिक्षित छन् । सुहाउने कुरा हो ? बिल्कुल सुहाउँदैन’, उनले भने, ‘दलित बस्ती र त्यसको आसपासमा तपाईँहरूलाई आवश्यक पर्छ भने एउटा आधारभूत विद्यालय म बनाइदिन्छु ।’
उनले मधेस ज्ञान, ध्यान, तपोवन तथा देवभूमि भएको बताए । भूमि आज यसरी पिछडिएको हुनु शोभा नदिने ओलीले बताएका छन ।
विद्यालय बनाउने ओलीको घोषणालाई सहभागीहरूले ताली बजाएर स्वागत गरेका थिए । पार्टी परित्याग गर्नेहरुमा अधिकांश नेपाली कांग्रेस र जनता समाजवादी पार्टी नेपालका नेता कार्यकर्ता रहेका छन् ।
नेपाली कांग्रेस धनुषाका पूर्वउपसभापति सन्तोष यादव, नेतृ विजेता झा, प्रतिनिधिसभा सदस्य रुही नाज, जसपाका केन्द्रीय सदस्य रामउदिन राम,प्रदेशसभा सदस्य अञ्जुकुमारी यादव, शम्भु साह, पूर्व राज्यमन्त्री अरबिन्द साहलगायत एमालेमा प्रवेश गरेका छन् ।
दलित बस्तीमा विद्यालय बनाउछु : ओली
Facebook Comment
ताजा समाचार
कम्पनी दर्ता नं : २९६६५०/०७९–८०
म.प्र. दर्ता नं :००१७/०७९–८०