डेंगुको संक्रमणबाट ५ जनाको मृत्यु

काठमाडौं २६ भादौ । देशभरि डेंगु संक्रमणबाट ५ जनाको मृत्यु भएको छ । ललितपुर र काठमाडौंसहित देशभरको ७५ जिल्लामा डेंगु संक्रमण बढ्दै जाँदा यसबाट मृत्यु हुनेको संख्या पनि बढ्न थालेको छ । स्वास्थ्य तथा जनसंख्या मन्त्रालय, स्वास्थ्य सेवा विभाग, इपिडिमियोलजी तथा रोग नियन्त्रण महाशाखाका अनुसार हालसम्म देशभर ७ हजार ३५६ जना डेंगु संक्रमित भेटिएका छन् ।
७ हजारभन्दा बढी डेंगुका बिरामी भेटिँदा डेढ महिनामा ५ जनाले डेंगु संक्रमणकै कारणले ज्यान गुमाएका हुन् । महाशाखाका किटजन्य रोगका फोकल व्यक्ति डा गोकर्ण दाहालका अनुसार गत एक महिनामा देशभर ५ जनाको डेंगुकै कारण मृत्यु भएको पुष्टि भएको छ ।