जनकपुरधाम २५ भदौ । जनता समाजवादी पार्टी (जसपा)का अध्यक्ष उपेन्द्र यादवले २०७२ साल भदौ २५ गते चलु जनकपुर भरु जनकपुर कार्यक्रम अन्तर्गत शहादत दिएका शहीदहरु प्रति श्रद्धाञ्जली अर्पण गरेका छन ।
शहादत दिएका शहीदहरु संजय चौधरी, दिलिप यादव र नितु यादवको स्मृतिमा जनकपुरधाम उपमहानगरले निर्माण गरेको शहीद गेट पुगेर अध्यक्ष यादवले शहीदरुको प्रतिमामा माल्यार्पण गर्दै श्रद्धाञ्जली अर्पण गरेका छन ।
यादवले शहीदहरुले दिएको शहादत बाट प्राप्त संघीयता र समावेशित लगायतका मुद्दाहरु संस्थागत गर्ने जिम्मा आफुहरुको काँधमा रहेको उल्लेख गर्दै आफ्नो कदम पछाडी नहटाउने प्रतिवबद्धता समेत व्यक्त गरे । मुलुकमा विभेद विरुद्धको लडाई अझै जारी रहेको उल्ल्ेख गर्दै अध्यक्ष यादव शहीदहरुले देखाएको बाटो आफुहरुको मार्ग निर्देशन रहेको उल्लेख गरे ।
जनकपुरधाम उपमहानगर समितिका अध्यक्ष विष्णुदेवको साहको अध्यक्षतामा मुजेलिया स्थित शहीदद्वारमा आयोजित श्रद्धाञ्जली सभामा राजनीति समिति सदस्य एवं पुर्ब मेयर लालकिशोर साह, जसपा नेता बलराम महतो, केन्द्रिय सदस्य एवं प्रदेश सरकारका राज्य मन्त्री योगेन्द्र राय यादव, प्रदेश सरकारको पूर्व आन्तरिक मामिला मन्त्री ज्ञानेन्द्र कुमार यादव, प्रदेश सांसद चमेली देबी दास, युवा नेता नबिन यादब,वडा अध्यक्ष पुण्यप्रताप यादव सहितका उपस्थिति रहेको थियो ।
