मलेसियामा मृत्यु दण्डको सजाय पाएका सुरजलाई अब मात्र १२ वर्ष कैद

जनकपुरधाम २३ भादौ । मलेसियामा मृत्यु दण्डको सजाय सुनाएका एक नेपाली युवाको कैदमा परिवर्तन गरिएको छ ।
मधेश प्रदेश धनुषाको साविक गोविन्दपुर वडा नम्बर २ का सुरज देव साह तेलीलाई तोकिएको मृत्यु दण्डको सजाय १२ वर्ष कैदमा परिवर्तन भएको हो ।
कर्तव्य ज्यान मुद्दामा मलेसियाको उच्च अदालतले साहलाई २०२० अगस्तमा मृत्यु दण्डको सजाय सुनाएको थियो ।
उक्त मृत्यु दण्डको सजाय पुनरावेदनका लागि दिइएको पुनरावलोकन मुद्दामा मृत्यु दण्डलाई कैद सजायमा परिवर्तन गरिएको हो ।
सोही बमोजिम कैद सजाय काटेपछि साह स्वदेश फर्किने नेपाली राजदूतावास क्वालालम्पुरले प्रेस विज्ञप्तिमार्फत जानकारी गराएको छ । कर्तव्य ज्यान मुद्दामा साह सन् २०१६ को डिसेम्बरमा पक्राउ परेका थिए ।