जसपाले धनुषामा छान्यो उम्मेदवार, कुन क्षेत्रबाट को ?

जनकपुरधाम १३ भाद्र । आगामी ४ मंसिरमा हुने प्रतिनिधि र प्रदेशसभा सदस्य निर्वाचनका लागि जनता समाजवादी पार्टी (जसपा)ले धनुषाको चारवटै निर्वाचन क्षेत्रका लागि उम्मेदवारहरु चयन गरेको छ ।
जसमध्ये प्रतिनिधिसभा तर्फ धनुषाको निर्वाचन क्षेत्र नम्बर–१ का लागि दीपक कार्कीको नाम सिफारिस गरिएको छ भने निर्वाचन क्षेत्र नम्बर–२ का लागि बलराम महतो, सूर्यचन्द्र यादव, गजाधर रोहिता, देव कृष्ण मण्डल र राम शंकर पासवानको नाम छनोट गरिएको छ ।
धनुषाको निर्वाचन क्षेत्र नम्बर–३ बाट प्रतिनिधिसभाका लागि लालकिशोर साह, जितेन्द्रकुमार यादव, विजयकुमार भगत र सर्वजित ठाकुरलगायत चारजनाको नाम सिफारिस गरिएको छ । त्यस्तै क्षेत्र नम्बर–४ का लागि महाजन यादव र बलराम महतोको नाम प्रस्ताव गरेको छ ।
त्यस्तै, प्रदेशसभातर्फ क्षेत्र नम्बर–१ को ‘क’ बाट सुकेश्वर यादव र ब्रम्हदेव महतोको नाम सिफारिस गरिएको छ भने १ को ‘ख’ बाट सुरेन्द्रकुमार मण्डल, बेचन महतो, चन्देश्वर महतो र रामनरेश महतोलाई छनोट गरिएको छ ।  क्षेत्र नम्बर २ को ‘क’ तर्फ शैलेन्द्रप्रसाद यादव, अरुण सिंह मण्डल र पशुपति यादवलाई उम्मेदवारको रुपमा अगाडि सारिएको छ भने ‘ख’ तर्फ राम अशिष यादव, राम अशिष रोहिता, बरुण यादव र देवेन्द्र यादवलगायत चार जनाको नाम सिफारिस गरिएको हो ।
प्रदेशसभातर्फ क्षेत्र नम्बर–३ को ‘क’ का लागि अशोक कुमार यादव, प्रेमचन्द्र झा, जितेन्द्र कुमार यादवको नाम सिफारिस गरिएको छ भने ३ ‘ख’ का लागि प्रदेशसभातर्फ नबिन यादब, बिष्णु देब साह र अम्भु प्रसाद साह रहेको छ । निर्वाचन क्षेत्र नम्बर–४ को ‘क’ बाट शेषनारायण यादव, बजरंगकुमार यादव, हरिनारायण यादव, बृजकुमार यादव र ज्ञानेन्द्रकुमार यादवलगायत पाँच जनाको नाम सिफारिस गरिएको छ ।
४ को ‘ख’ तर्फ दिनेश कुमार यादव र राम नरेश महतोको नाम सिफारिस गरिएको छ भने समानुपातिक प्रतिनिधिसभातर्फ बिन्देश्वर यादव, मो.साबिर राइन, प्रमिला दाससहित ६ जना र प्रदेश समानुपातिकतर्फ उर्मिला साह, घनश्याम यादव, चमेली देवी दास र सुनिता महरालगायत १४ जनाको नाम सिफारिस गरिएको हो ।