जनकपुरधाम, २ पुस । सप्ताहव्यापी सीताराम विवाहपञ्चमी अन्तर्गत आईबार राति राम र सीताको विवाह सम्पन्न भएको छ ।
जानकी मन्दिरमा बनाइएको विवाह मण्डपमा मैथिली परम्परा अनुसार सीता र रामको विवाह भएको छ ।
आईबार साँझदेखि चलेको विवाहको विधि रातभरि चलेको थियो ।
विवाह अघि आईतबार दिउँसो राम र जानकीको डोला फेर गरी बाह्रविघा मैदानमा स्वयम्वर गरि नगर परिक्रमा गरेको थियो ।
दुवै डोला जानकी मन्दिर पुगेपछि विवाहको काज सुरु भएको थियो ।
विवाहपञ्चमीको अन्तिम दिन आज साधुशन्तलाई जानकी मन्दिर परिसरमा भोजन गराएर विदाई गरिनेछ ।
साधुशन्तलाई जानकी मन्दिर प्रांगणमामा दिउँसो ५६ व्यञ्जन मिस्टान परिकार भोजन गराई , गाली गीतले स्वागत गर्ने कार्यक्रम रहेको मन्दिरका सह महन्त रामरोशन दास बैष्णवले जानकारी दिए ।
यो परम्परालाई रामकलेवा भनिन्छ । जन्तीका रुपमा आएका साधुशन्तलाई चादर, कम्बल र दक्षिना स्वरुप केहि रुपियाँ पैसा दिएर भव्य स्वागत गरि विदाई गर्ने प्रचलन छ ।
