जनकपुरधाम, २८ असोज । अहिलेको केन्द्र सरकारले मधेशलाई दुई रुपैयाको सरकार बनाएको मधेश प्रदेशका अर्थमन्त्री संजय कुमार यादवले आरोप लगाएका छन् ।
आइतबार जनकपुरधाममा दशै,दिपाबली तथा छठ बजारको समुदघाट्न कार्यक्रममा बोल्दै मन्त्री यादवले यस्तो आरोप लगाएका छन् । मन्त्री यादवले केन्द्र सरकारमाथि आरोप लगाउदै भने,‘मुलुकमै सबैभन्दा बढि राजश्व प्रदान गर्ने प्रदेशलाई अर्थतन्त्रको १ दसमलब ९० प्रतिसत मात्र बजेट प्रदान गर्नु भनेको संघिय सरकारको मधेश प्रदेशप्रतिको हेर्ने दृष्टिकोणमा अलिकति पनि परिवर्तन हुन सकेको छैन ।
’विश्वको कुनै पनि प्रदेश रहेको मुलुकमा यसरी विभेदपुर्ण तरिकाले बजेट विनियोजन गरिएको छैन तर नेपालमा नश्लिय चिन्तनकै कारण बजेटमा पनि विभेद जारी राखिएको मन्त्री यादवले बताए ।
कार्यक्रममा जनकपुरधाम उद्योग वाणिज्य संघका अध्यक्ष जितेन्द्र महासेठले जनकपुरधाममा होटल व्यवसाय निकै नै महगो रहेको आरोप लाग्दै आएको सम्वन्धमा छिटै नै होटल व्यवसायीसंग छलफल गर्ने बताए ।
जनकपुरधाम उद्योग वाणिज्य संघका अध्यक्ष जितेन्द्र महासेठको अध्यक्षतामा भएको समुदघाट्न कार्यक्रममा जनकपुरधाम उपमहानगरपालिकाका उपमेयर किशोरी साह,वृहत्तर जनकपुरक्षेत्र विकास परिषदका अध्यक्ष शितल साह, धनुषाका प्रमुख जिल्ला अधिकारी चक्रपाणी पाण्डे,पुर्व संघिय सांसद प्रमोद साह,लगायतको उपस्थिती रहेको थियो ।
