जनकपुरधाम, २२ साउन । साउन महिनाको सोमवारका दिन महोत्तरी र धनुषाको बाह्र महादेव मठहरुमा समरस नेपाल संगठनको नेतृत्वमा ‘सेवा, संस्कृति सुरक्षा’ लाई मध्यनजर गर्दै सनातनी नाराहरु लगाएका छन् ।
धनुषाको जनकपुरधाम, प्रानेश्वरनाथ ईटहर्वा, औरही, सतोषर महादेव, धनुषाधाम र क्षिरेश्वरनाथ महादेव महेन्द्रनगर,महोत्तरीको पाटु कपिलेश्वर महादेव, टूटेश्वरनाथ महादेव, मगरथाना मंगलनाथ महादेव, पंचधूरा माई स्थान, जलेश्वरनाथ महादेव र पवित्र स्थल मटिहानीको सहितका स्थानहरुमा एकसाथ संस्कृति रक्षा उद्घोष गरिएको छ ।
सनातनी धर्म, मूल्य, मान्यताको मर्म संरक्षणार्थ समरसले माथि उल्लेखित क्षेत्रहरुमा बढ्दै गएको धर्मान्तरणलाई ध्यानमा राखि यो जाग्रण अभियानको अनुष्ठान गरिएको समरसका संयोजक चन्दन दुबेले जनाएको छ ।
आधुनिकताको नाममा देशमा ब्याप्त सामाजिक, आर्थिक, सांस्कृतिक बेतिथी अन्त्यका लागि यो उद्घोष गरेको दुबेले बताए । 
उनले भने, नेपालमा सस्तो लोकप्रियताको नाममा कहिले सीता त कहिले रामको जन्म स्थललाई बिवादको मुद्दा बनाउन खोज्ने शक्तिहरुबाट सचेत रह्न समेत आह्वान गरे । 
