काठमाडौं, १७ कात्तिक । नेपाली कम्युनिस्ट पार्टी र नेपाल कम्युनिस्ट पार्टीबीच औपचारिक रूपमा एकता घोषणा भएको छ। काठमाडौंस्थित नेकपाको केन्द्रीय कार्यालय पेरिसडाँडामा आयोजित कार्यक्रममा दुई पार्टीले एकताको घोषणा गरेका हुन्।
एकता सहमतिपत्रमा नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’, सहसंयोजक माधवकुमार नेपाल र नेपाल कम्युनिस्ट पार्टीकी महासचिव उमा भुजेलले हस्ताक्षर गरेका छन्।
दुई दलबीच एकताका लागि १० बुँदे सहमति भएको छ। सहमतिअनुसार आगामी स्थानीय तहको निर्वाचनपछि एकता राष्ट्रिय महाधिवेशन आयोजना गरिनेछ। साथै केन्द्रीय समिति, सचिवालयलगायत पार्टीका विभिन्न संरचनामा सहमतिका आधारमा नेतृत्व तथा सदस्यहरूको समायोजन गरिनेछ।
