काठमाडौं, १४ कात्तिक । नेपाल प्रहरीका महानिरीक्षक दानबहादुर कार्कीले पत्रकारितालाई निष्पक्ष, तथ्यपरक र साहसिक बनाउन सञ्चारकर्मीको भूमिका महत्वपूर्ण रहेको बताएका छन् ।
विभिन्न सञ्चारगृहका पत्रकार पक्राउ परेको घटनापछि महानिरीक्षक कार्कीले सामाजिक सञ्जालमार्फत आफ्नो धारणा सार्वजनिक गर्दै पत्रकारितामा कुनै पनि प्रकारको अवरोध हुन नदिन नेपाल प्रहरी प्रतिबद्ध रहेको बताएका हुन् ।
उनले सञ्चारकर्मीलाई स्वतन्त्र रूपमा समाचार सम्प्रेषण गर्न सहयोग गर्ने उल्लेख गर्दै विपद्का बेला नागरिकलाई सही र समयमै सूचना पुर्याएर जनधनको क्षति न्यूनीकरण गर्न पत्रकारहरूको भूमिका महत्वपूर्ण हुने बताएका छन् ।
त्यस्तै, विपद्बाट नागरिकको सुरक्षा गर्नु प्रहरीको प्रमुख दायित्व रहेको उल्लेख गर्दै यसका लागि सञ्चारकर्मीसँग सहकार्य गर्न आग्रह गरेका छन् ।
