काठमाडौं, १४ असोज । राष्ट्रिय प्रजातन्त्र पार्टी (राप्रपा) का वरिष्ठ नेता रविन्द्र मिश्रले पछिल्लो समय पत्रकार पक्राउ, पूर्व प्रधानन्यायाधीश माथिको कारबाही र व्यापारीका घरमा गरिएको खानतलासीप्रति गम्भीर चिन्ता व्यक्त गरेका छन् ।
सामाजिक सञ्जाल फेसबुकमार्फत धारणा सार्वजनिक गर्दै मिश्रले यी घटनालाई सामान्य रूपमा लिन नहुने बताएका छन् । उनले समाचार कक्षबाट पत्रकार पक्राउ, मध्यरातमा पूर्व प्रधानन्यायाधीशको गिरफ्तारी, व्यापारीमाथि छापा तथा विभिन्न सञ्चारगृह र नेताका निवासअगाडि शङ्कास्पद गतिविधि भएको विषय उठाएका छन् ।
उनले अख्तियार प्रमुखलाई प्रधानमन्त्री कार्यालयमै दबाब दिइएको दाबी गर्दै सरकारको कार्यशैली र राज्यका निकायमाथिको प्रभावबारे प्रश्न गरेका छन् ।
मिश्रले पछिल्लो घटनाक्रमलाई सत्ता कब्जाको सङ्केतका रूपमा व्याख्या गर्दै यसले भविष्यमा सरकारको समर्थन गर्नेहरूलाई समेत असर पार्न सक्ने चेतावनी दिएका छन् ।
उनले लेखेका छन्, ‘सत्ताकब्जा हुनु भनेको आज ताली पिट्नेहरू पनि रुने दिन आउनु हो ।
