काठमाडौं, ५ कात्तिक । नेपाल क्रिकेट संघ (क्यान) ले सिद्धार्थ बैंक नेपाल प्रिमियर लिग (एनपीएल) को तेस्रो संस्करणका खेलका लागि टिकट मूल्य सार्वजनिक गरेको छ।
क्यानका अनुसार लिग चरणका खेल हेर्न साधारण टिकटको मूल्य ५०० रुपैयाँ र प्रिमियम टिकटको मूल्य एक हजार रुपैयाँ तोकिएको छ। त्यस्तै, इलिमिनेटर र फाइनल खेलका लागि साधारण टिकट एक हजार तथा प्रिमियम टिकट दुई हजार रुपैयाँ निर्धारण गरिएको छ।
सन् २०२६ अक्टोबर २६ देखि नोभेम्बर २१ सम्म कीर्तिपुरस्थित त्रिभुवन विश्वविद्यालय अन्तर्राष्ट्रिय क्रिकेट मैदानमा प्रतियोगिता सञ्चालन हुनेछ। खेलका टिकट इसेवामार्फत बिहीबार साँझ ८ बजेदेखि खरिद गर्न सकिने क्यानले जनाएको छ।
