काठमाडौं, ११ असोज। नारायणी नदीको देवघाटमा बाढीले खतरा तह पार गरेको छ।
बाढी पूर्वानुमान महाशाखाका अनुसार पानीको सतह १०.८ मिटर पुगेको छ, जबकि खतरा तह ९ मिटर हो।
नदीको बहाव अझै बढिरहेकाले देवघाट आसपासका क्षेत्रमा डुबानको जोखिम बढेको छ। महाशाखाले नदी किनार तथा तल्लो तटीय क्षेत्रमा रहेका बासिन्दालाई उच्च सतर्कता अपनाउन आग्रह गरेको छ।
यस्तै पर्वतको कालीगण्डकी, लमजुङको चेपेखोला, म्याग्दीको मंगलघाट र चितवनको रिउखोलामा पनि पानीको सतह खतरा तहभन्दा माथि पुगेको जनाइएको छ।
