काठमाडौं, १५ भदौ । अर्थमन्त्री डा. स्वर्णिम वाग्लेले प्रधानमन्त्री राहत कोषमा रहेको रकम तत्काल बाढी प्रभावित क्षेत्रमा पठाउन निर्देशन दिएका छन्।
उनले जनताले विश्वासका साथ जम्मा गरेको रकमको प्रभावकारी उपयोग हुनुपर्ने बताए। छलफलका क्रममा उनले अत्यधिक प्रशासनिक प्रक्रिया र ढिलाइका कारण राहत प्रभावितसम्म पुग्न नसकेको भन्दै कानुनी प्रक्रिया पूरा गर्दै रकम छिटो निकासा गर्नुपर्नेमा जोड दिए।
वाग्लेले रकम निकासाका लागि मुख्य सचिवलाई आजै आवश्यक प्रक्रिया अघि बढाउन निर्देशन दिएका छन्।
