काठमाडौं, ५ साउन । अर्थमन्त्री डा. स्वर्णिम वाग्लेले प्रधानमन्त्रीदेखि मन्त्रीहरूसम्म सबै नेपाली जनता, राजनीतिक दल र सम्बन्धित नेतृत्वप्रति उत्तरदायी हुनुपर्ने बताएका छन् ।
आर्थिक वर्ष २०८३/८४ को बजेट कार्यान्वयन योजनाबारे सबै मन्त्रालयका सचिवहरूसँग मंगलबार भएको छलफलमा उनले सरकारले सुशासन र भ्रष्टाचारविरुद्ध शून्य सहनशीलताको नीति अपनाएको बताए ।
पुराना विकृति–विसंगति अन्त्य गर्दै पारदर्शिता, जवाफदेहिता र इमानदारीका आधारमा प्रशासन अघि बढाइने तथा कर्मचारीतन्त्रलाई आवश्यक प्रोत्साहनसमेत दिइने उनले उल्लेख गरे ।
