काठमाडौं,१४ जेठ । राष्ट्रिय स्वतन्त्र पार्टी (रास्वपा) को पहिलो महाधिवेशन आगामी असार ७ देखि ९ गतेसम्म हुँदैछ ।
महाधिवेशनबाट केन्द्रदेखि प्रदेश र जिल्लासम्म अधिकांश पुरानै नेतृत्व दोहोरिने सम्भावना देखिएको छ । सभापति रवि लामिछाने पुनः नेतृत्वमा रहने निश्चितजस्तै भएको नेताहरू बताउँछन् ।
उपसभापति डा. स्वर्णिम वाग्ले र महामन्त्री भूपदेव शाहसहित केही पदाधिकारी पनि हालकै जिम्मेवारीमा निरन्तर रहने तयारीमा छ ।
प्रदेश तहमा पनि अधिकांश सभापतिहरूले पुनः सोही पदमा काम गर्ने इच्छा देखाएका छन् । केही नेता भने केन्द्रीय तहमा जाने तयारीमा छन् । रास्वपाले २३–२४ जेठमा जिल्ला र २६ जेठदेखि १ असारसम्म प्रदेश अधिवेशन गर्ने कार्यतालिका तय गरेको छ ।
