जनकपुर, १२ जेठ । मधेस प्रदेश सरकारको मन्त्रिपरिषद् विस्तारसँगै दलित समुदायको प्रतिनिधित्वसमेत सुनिश्चित भएको छ । लखनदास तत्मा खेलकुद तथा समाज कल्याण मन्त्री बनेका छन् ।
यसअघि पनि उनी मधेस प्रदेश सरकारमा ऊर्जा, सिँचाइ तथा खानेपानी मन्त्रीको जिम्मेवारी सम्हालिसकेका थिए । दलित समुदायबाट पुनः मन्त्रिपरिषद्मा प्रतिनिधित्व भएपछि यसलाई समावेशी सहभागिताको रूपमा हेरिएको छ ।
नेपाली कांग्रेसका नागेन्द्र शाह स्वास्थ्य मन्त्री बनेका छन् भने नेकपाका युवराज भट्टराईले अर्थ मन्त्रालयको जिम्मेवारी पाएका छन् । एमालेबाट मनोज सिंह शिक्षा तथा संस्कृति, तथा शारदा थापा श्रम तथा यातायात मन्त्री बनेका छन् ।
मोहम्मद समिरले भौतिक तथा पूर्वाधार मन्त्रालयको जिम्मेवारी पाएका छन् ।
