काठमाडौं, ४ जेष्ठ । काठमाडौंस्थित सुन्धारा कारागारबाट फरार भएकी नुवाकोट विदुर नगरपालिका–की २५ वर्षीया सपना तामाङ पक्राउ परेकी छन् ।
उनलाई काठमाडौं उपत्यका अपराध अनुसन्धान कार्यालयले असन क्षेत्रबाट पक्राउ गरेको हो । जन्मकैदको सजाय भोगिरहेकी तामाङ शुक्रबार राति कारागारको पर्खाल नाघेर फरार भएकी थिइन् ।
कारागार प्रशासनका अनुसार उनले भुईँमा सामान ओछ्याएर भागेकी थिइन् । चोरी र कर्तव्य ज्यान मुद्दामा सजाय भोगिरहेकी तामाङ यसअघि पनि जेनजी आन्दोलनका क्रममा फरार भएकी थिइन् ।
यसपटक भने फरार भएको तीन दिनमै पक्राउ परेकी हुन् ।
