सिरहा, ३ जेष्ठ । सिरहाको कर्जन्हा नगरपालिका–११ स्थित झाडी क्षेत्रमा प्रहरीले २७६ किलो प्रतिबन्धित गाँजा बरामद गरेको छ ।
इलाका प्रहरी कार्यालय मिर्चैयाबाट प्रहरी निरीक्षक जीवकान्त चौधरीको नेतृत्वमा खटिएको टोलीले शनिबार साँझ खोजतलासका क्रममा ११ वटा बोरामा लुकाइराखिएको अवस्थामा गाँजा फेला पारेको हो ।
बरामद गाँजा इलाका प्रहरी कार्यालय मिर्चैयामा राखिएको प्रहरीले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय सिरहाले जानकारी दिएको छ ।
