काठमाडौं, ३ जेष्ठ । नेकपा माओवादी केन्द्रका अध्यक्ष पुष्पकमल दाहाल ले सरकारका पछिल्ला गतिविधिविरुद्ध सडक र सदन दुवैबाट प्रतिवाद गर्ने बताएका छन् ।
वीरेन्द्रनगरमा आयोजित पत्रकार सम्मेलनमा उनले अध्यादेशमार्फत काम अघि बढाउनु, संविधान संशोधन बहसपत्र, विद्यार्थी तथा कर्मचारी ट्रेड युनियन खारेजीजस्ता विषयले सरकारको नियतमाथि प्रश्न उठाएको बताए ।
प्रचण्डले सरकारले लोकतन्त्र र संविधानको मर्मअनुसार काम गरे रचनात्मक सहयोग गर्ने उल्लेख गर्दै हालको गतिविधि समर्थनयोग्य नरहेको टिप्पणी गरे ।
उनले सुकुमवासी समस्या समाधानमा ढिलाइ भए गम्भीर अवस्था आउन सक्ने चेतावनी पनि दिए। साथै, वाम एकताका लागि विभिन्न तहमा छलफल जारी रहेको जानकारी दिएका छन् ।
