काठमाडौं, १ जेठ । मुख्यमन्त्री कृष्णप्रसाद यादवले विश्वासको मत लिन बोलाएको मधेश प्रदेशसभा बैठक अझै अनिश्चित बनेका छन् ।
मुख्यमन्त्री यादवले विश्वासको मत लिन शुक्रवार बिहान ११ बजे प्रदेशसभा बैठक आह्वान गरेका थिए । तर दिउँसोसम्म पनि बैठक सञ्चालन हुन नसकेपछि समय सार्दै १ः१० बजेको लागि तय गरिएको छ ।
हाल कार्यव्यवस्था परामर्श समितिको बैठक जारी रहेको बताइएको छ । सत्ता गठबन्धनभित्र देखिएको असन्तुष्टि र दलहरूको अस्पष्ट धारणा कारण बैठक समयमा सुरु हुन सकेको छैन । यसले सरकारको भविष्य थप अनिश्चित बनाएको छ ।
त्यसैगरी, नेपाली कांग्रेस भित्रको शेखर समूहका केही सांसदहरूले फ्लोर क्रस गर्न सक्ने सम्भावनाले पनि मुख्यमन्त्री यादवमाथि दबाब बढेको छ । यसअघि वैशाख २१ गते जनमत पार्टी ले मधेश सरकारबाट समर्थन फिर्ता लिएको थियो । त्यसपछि सरकार अल्पमतमा परेको चर्चा हुँदै आएको छ ।
