भद्रपुरमा वैशाखदेखि चन्द्रगढी महिला गोल्डकप

झापा, १६ चैत । झापाको भद्रपुरस्थित मेची रङ्गशालामा वैशाख ५ देखि १४ गतेसम्म चन्द्रगढी महिला गोल्डकप आयोजना हुने भएको छ ।

चन्द्रगढी युवा क्लबको आयोजनामा हुने प्रतियोगितामा १० टोली सहभागी हुनेछन्, जसमा नेपालका विभागीय र ए डिभिजन क्लबका साथै भारत र भुटानका टोली पनि रहनेछन् ।

विजेताले ११ लाख रुपैयाँ पुरस्कार पाउनेछ भने उत्कृष्ट खेलाडी र विधागत पुरस्कारसमेत प्रदान गरिने आयोजकले जनाएको छ ।